Dəstək
Ən çox verilən suallar və cavabları. Axtardığınızı tapmasanız, bizə yazın — sualınıza baxıb cavablandıracağıq.
Bizə yazın
Hesab, elan və ya ödəniş barədə sualınızı e-poçtla göndərin. Elan nömrəsini və ya linkini əlavə etsəniz, daha tez kömək edə bilərik.
Tez-tez verilən suallar
Elan necə yerləşdirilir?
Hesabınıza daxil olun və yuxarıdakı «Elan yerləşdir» düyməsini basın. Kateqoriyanı seçin, başlıq, təsvir, qiymət və bölgəni doldurun, şəkil əlavə edin və göndərin. Elan yerləşdirmək pulsuzdur və komissiya yoxdur.
Elanım niyə «Yoxlanılır» statusundadır?
Hər yeni elan dərc olunmazdan əvvəl avtomatik yoxlamadan keçir, lazım gəldikdə isə moderator tərəfindən nəzərdən keçirilir. Bu, saytda saxta və qaydalara zidd elanların qarşısını alır. Yoxlama adətən qısa çəkir. Elan qəbul edilməzsə, «Elanlarım» bölməsində səbəbi göstərilir və düzəliş edib yenidən göndərə bilərsiniz.
Niyə elanın təsvirində telefon nömrəsi yaza bilmirəm?
Təsvirdə telefon nömrəsi, mesencer hesabı və ya xarici sayta keçid yazmaq olmaz — belə elanlar avtomatik rədd edilir. Səbəb sizi qorumaqdır: açıq yazılan nömrələr saytdan toplu şəkildə yığılır və spam zənglərinə çevrilir. Nömrəniz elan səhifəsində «Nömrəni göstər» düyməsinin arxasındadır və alıcı onu bir kliklə görə bilir.
Satıcı ilə necə əlaqə saxlayıram?
İki yol var. Elan səhifəsindəki «Zəng et» düyməsi satıcının nömrəsini açır. Yaxud «Satıcıya mesaj yaz» qutusuna yazın — bu halda nömrənizi paylaşmırsınız və yazışma «Mesajlar» bölməsində saxlanılır. Mesaj yazmaq üçün hesabınıza daxil olmalısınız.
Şifrəmi unutmuşam, nə edim?
Giriş səhifəsindəki «Şifrəmi unutdum» linkinə basın və qeydiyyatdakı e-poçt ünvanınızı yazın. Bərpa linki həmin ünvana göndərilir. Link yalnız e-poçtla gedir — SMS ilə bərpa yoxdur. E-poçt gəlməyibsə, spam qovluğunu yoxlayın.
Elanımı necə irəli çəkim və ya VIP edim?
«Elanlarım» bölməsindən elanı açın və «Elanı irəli çək» kartından paket seçin: «Yenilə» elanı siyahının başına qaytarır, «Premium» və «VIP» isə müəyyən müddət ərzində elanı yuxarıda və nişanla göstərir. Paket balansdan ödənilir. Eyni səviyyəli paket aldıqda müddət uzanır; daha yüksək səviyyə aldıqda yeni müddət başlayır.
Balansı necə artırım?
Balans «Ödənişlər» bölməsindədir. Kart ödənişi hələ qoşulmayıb — bu müddətdə balans artırma bağlı ola bilər. Belə halda bizə yazın, balansı biz artıraq.
Fermerim komissiya götürürmü?
Xeyr. Nə satıcıdan, nə alıcıdan heç bir əməliyyatdan komissiya götürülmür və bu, müvəqqəti kampaniya deyil. Gəlir yalnız reklam və elan irəliləmə paketlərindən formalaşır.
Mağaza, şirkət və ya daşıyıcı kimi necə qeydiyyatdan keçim?
Əvvəlcə adi hesab yaradın, sonra «Mağaza yarat» və ya «Daşıyıcı ol» səhifəsindən keçin. Bir hesab eyni anda bir neçə rol daşıya bilər — yenidən qeydiyyatdan keçməyə ehtiyac yoxdur.
Şübhəli elan və ya istifadəçi barədə necə məlumat verim?
Elanın linkini və nə baş verdiyini bizə e-poçtla göndərin. Qaydalara zidd elanı dərhal yoxlayır və lazım gəldikdə silirik. Sizdən qabaqcadan ödəniş və ya bank kartı məlumatı istəyən istifadəçiyə cavab verməyin.
Fermerim heç bir əməliyyatdan komissiya götürmür və alqı-satqının tərəfi deyil. Şübhəli təklifə əvvəlcədən ödəniş etməyin.
İstifadə qaydaları